Организацијата на жени на Општина Свети Николе активно работи од 1990 година и претставува континуитет на поранешното женско организирање во општината.
Организацијата е невладина, непартиска и непрофитна организација и работи на подрачјето на општина Свети Николе, а во последно време се направени обиди за заедничка соработка и со други женски НВО од Македонија.
Како невладина, непартиска и непрофитна Организацијата на жени според новите законски прописи изврши пререгистрација и од 28.12.1998 година е запишана во регистарот на Здруженија на граѓани и фондации во Основниот суд во Свети Николе под број 18, а ќе дејствува на територијата на Општина Свети Николе со седиште на улица Цветан Димов број 14; Свети Николе.П.Ф.13

Во организацијата членуваат околу 500 жени, од кои 30 се активни волонтерки и вклучени во реализацијата на тековните активности и проекти. Во почетокот организацијата работеше на пружање на хуманитарна помош за социјално загрозени лица, но од 1997 година своите активности ги насочи кон реализација на проекти од различни области.

      на почеток=

Организационата структура на Организацијата :

-Собрание - е највисок орган на организацијата и е со променлив број на членови. Се свикува најмалку еднаш во годината а по потреба и почесто. Истото ја утврдува генералната политика на Организацијата на жените.
-Претседателство - е извршен орган на Собранието а правата и обврските ги врши врз основа и во рамките на Статутот и општите акти. Брои 17 члена делегирани од Активите на жени од месните заедници, работните организации и институции.
-Претседател на ОЖ - се избирана седница на Собранието со јавно гласање за време од четири години со право на повторен избор. Ја претставува и застапува Организацијата пред трети лица.
-Надзорен одбор - се избира на седница на Собранието за време од четири години и се грижи за спроведување на одредбите од Статутот и контрола на наменското располагање со средствата и приходите на Организацијата на жените. Наодите и одлуките Надзорниот одбор ги доставува до Собранието и до Претседателството на Организацијата на жените.

На 29.09.2004 во Свети Николе Организацијата на жените на општина Свети Николе го одржа годишното изборно собрание . На собранието присуствуваа 27 членови на Собранието како и поканети гости.

Комисијата за избор и именување поднесе предлог листа за членови/ки на Управниот одбор во состав:
-Вера Златева
-Билјана Димова
-Добрица Манева
-Славјанка Стаменкова
-Рахела Ѓорѓиева
-Радмила Сандева
-Александар Богатинов
-Даниела Панева и
-Валентина Арсова

Предлогот беше усвоен од сите присутни на Годишното Собрание.
Управниот одбор поднесе предлог за избор на Претседателка и Потпретседателка на Собранието и Органзацијата и тоа;
-за претседателка : Вера Златева
-за потпретседателка : Билјана Димова

Предлозите беа едногласно прифатени од сите присутни.

     на почеток=

-Еманципација и полова еднаквост;
-Секаков вид на помош ( правна, социјална, хуманитарна и др. );
-Здравствена едукација и заштита како превентива преку разни форми на предавања и прегледи;
-Човекови права- женски права;
-Работа со деца, младинци и стари лица преку разни форми;
-Соработка со други НВО и институции на локално и национално ниво;
-Зачувување на животната средина.
 

        на почеток=

-Секција за помош и социјална заштита
-Секција за работа со деца и младинци
-Секција за култура и рекреација
-Секција за соработка со други невладини организации
-Комисија за изработка на проекти и др.

      на почеток=