Еве не повторно со Вас.Иако летните одмори се веќе започнати тоа не не спречува да ви поклониме уште еден електронски весник со многу интересни текстови. Им се заблагодарувам на сите оние што одвојуваа и ќе одвојуваат време за нашиот весник , на сите оние кои ни помагаат со фотографии и текстови.
Ја упатувам поканата до сите оние кои имаат текстови кои би биле интересни за нашите читатели да ни ги испратат на vavilons_nikole@yahoo.com и на  svetinikole@mladi.gov.mk  .

Ве поздравувам сите и Ви посакувам, каде и да сте, со кого и да сте имајте прекрасни моменти, добро време и добра забава во летото 2005.

Во овој број на нашиот електронски весник "ВАВИЛОН" може да прочитате за:

Од Свети Николе и Светиниколско :

- Свети Николе конечно има со што да се гордее;

- Свети Николе добива нов лик;

- Македонска народна носија;

Претставници на Виенската класика ;

- Франц Шуберт;

Автомобили;

- Мачка на тркала;

- Припремање на смесата и процес на согорување;

-Летен камп - Чеплес 2005;

- Цели на логорување;

- Пливање;

Активности на Детски Парламент на Македонија за Свети Николе;

- Посета на Собранието на Република Македонија;

- Правилно користење на слободното време;

- Меѓународен летен камп - ДПМ 2005;

- Светите карпи Метеори и нивната историја прв дел;

Надворешни соработници :

- Оплодување, бременост и окотување кај домашните зајаци;

- Техника на сликање - пастел;

- Добредојдовте во светот на видео игрите - NBA live 2005;

-СМС ИЗБОР;

- Учење од камелеонот;

- Лични творби на наши Вавилонци;

- Вавилон кујна;

- Вицотека;

- Песнарка;

ПРЕТХОДНИ БРОЕВИ НА ЕЛЕКТРОНСКИОТ ВЕСНИК  "ВАВИЛОН" (кликни)

ОД СВЕТИ НИКОЛЕ И СВЕТИНИКОЛСКО

Свети Николе конечно има со што да се гордее

Во месец Септември 2004 година неколку ентузијасти, вљубеници во мандолината и нејзиниот звук го формираа Градскиот мандолински оркестар-Свети Никола од Свети Николе.
Ниту најголемите оптимисти, па дури ни самите оркестранти, не можеа да поверуваат дека за така краток период, оркестарот ќе постигне одлични резултати. Како резултат на квалитетот со кој што оркестарот располага, но пред се како резултат на несебичното залагање на сите членови, оркестарот доби покана да учествува на силниот меѓународен фестивал на мандолински оркестри - Мандолина Имота што оваа година од 26 - 29 Мај по десетти пат се одржа во градот Имотски- Република Хрватска.
Заминувањето на оркестарот беше неизвесно до последен момент пред се поради финансиските потешкотии, но поради добродушноста на неколку фирми, организации и здруженија од општината, оркестарот замина и беше дел од овој фестивал.
Фестивалот се состоеше од две натпреварувачки вечери, а во вечерта на нови композиции т.е композиции кои што за прв пат беа изведени на овој фестивал нашиот мандолински оркестар со композицијата - Доне Мамино од композитор и диригент Кирил Трајковски во конкуренција на уште осум други мандолински оркестри го освои одличното второ место.
Од страна на претседателот на стручното жири кој што инаку е професор на музичката академија во Загреб, беше истакнато дека мандолинскиот оркестар - Свети Никола е вистинско освежување за самиот фестивал, дека сите учесници на фестивалот биле сведоци на нов призвук, на нешто ново, на презентација на изворниот македонски фолклоре, преку композиции за мандолински оркестри.
Во првата вечер на фестивалот - оркестарот настапи и во ревијалниот дел со неколку композиции од својот репертоар. Покрај тоа што оркестарот во Хрватска ја презентираше македонската култура и фолклор, оркестарот овде на вистински начин беше претставник на својот град и својата држава.
Оркестарот на организаторот и останатите учесници на фестивалот им подари и промотивен материјал кој се состоеше од книга со десет композиции - суити за мандолински оркестри - Под Источно Небо од Кирил Трајковски, флаери со информации за оркестарот, за градот - за неговиот настанок, каде се наоѓа, книга за градот и можностите за инвестирање во него, разгледници од Свети Николе.
Како резултат на одличниот впечаток кој што оркестарот го остави во Хрватска беше добиена покана за учество на фестивалот и следната година, меѓу другото беа остварени кон такти со оркестрите од Загреб, Сплит, Љубљана, а воедно беа упатени покани на адреса на оркестарот да бидат одржани цело вечерни концерти во овие градови. Колку овие планови и жел би ке бидат реализирани останува да видиме. Се зависи од фина нсиите како и од желбата и можноста на градот и локалната самоуправа морално и финансиски да му помага на оваа гордост на градот. Затоа што ретко кој друг град во Македонија ја има привилегијата да има нешто со што ке се гордее. Дефинитивно Свети Николе не треба да ја пропушти оваа шанса.
Оркестарот кој инаку го сочинуваат членови од различни генерации, секој со свои обврски, се надеваат дека градот секогаш ќе биде со нив и дека сите планови за настапи, учества на фестивали, гостувања, целовечерни концерти ќе бидат реали зирани.
Оркестарот во следниот период ќе работи на презентација на своето прво це-де кое наскоро треба да излезе.
Дека навистина постојат и такви на кои ни оддалеку не им е драг успехот на оркестарот покажува фактот што како награда за одличниот настап во Хрватска, оркестарот и тоа во својот град од свои сограѓани кои што ке се препознаат во овој текст беше избркан од просторијата за работа во Домот на културата и тоа ни помалку ни повеќе туку на денот на културата.
Но наспроти таквите, постојат и луѓе кои секогаш ги подаваат своите раце за доброто на сите, во овој случај на културата.
Овој момент ке ја искористам да ја споменам огромната благодарност на сите членови на оркестарот до Ловниот дом за подршката во секој момент.

  на почеток=
 

  на почеток=

Народната носија на Македонците се одликува со голема разновидност. Таа појава е впечатлива не само мегу облеката на населението од различни етнички области, туку и мегу лугето од две соседни села.
Во најстарата носија се сочувани многу архаични елементи, но многу денес се изменети.
Женската народна носија е по разновидна и по раскошна. Главен нејзин дел е туниковидната и долга кошула (риза). Таа е украсена со разнобоен вез, што има поедноставни или по сложени декоративни елементи. Но, во везот преовладуваат црвените и црните тонови. Над кошулата облекувале шајачна гуна, клашеник или саја (со или без ракави). Елекот бил составен дел на сите варијанти, каков што е случајот и со појасот и скутината. Главата ја покривале со шамии, но и со посебен вид на капи од кои најинтересно носеле жените од солунското село Ќулафово. Но за жал народната носија денес ја носат само повозрасните жени и тоа ретко, а главно се употребува по повод на некој свечености или од членовите на разни фолклорни ансамбли.
Машката народна носија која во подалечното минато исклучиво ја шиеле од бел шајак, а потоа само од црн, ја сочинуваат две покарактеристични варијанти. Едната од нив во комплетот ги вклучувала следните делови: платнена кошула (долга до колената и набрана од половината надолу), бели платнени гаки (во функција на панталони), црн или црвен волнен појас, шајачен елек и др.
Во втората варијанта биле застапени поголем број делови. Тие биле сошиени од домашно платно и шајак. Панталоните од овој комплет најчесто биле опточени со гајтани. Главата ја покривале со различни капи честопати шубари. На нозете обувале, исто како и жените, опинци (со или без објала) од нештавена кожа, чевли и др.
Како една од поинтересните македонски носии ќе ја одвоиме овчеполската носија. Скоро целата таа облека била изработувана дома рачно од волна и памук. Само некои суровини се купувале на пазарот како преѓата за ткаење платно, ширити, спринки, монистра, јумаци и свила.
Женската народна носија во главно ја сочинуваат : кошула, елек, пешкир, џукета, манта, шамиче, шамија (црна или бела) зависи кое време се носела.
Кошулата се изработува од платно кое жените сами го ткаеле дома на домашен разбој. Тоа платно зависело од тоа дали кошулата ќе биде за секојдневна употреба, а за празниците се ткаела од посебна преѓа. На кошулата ставале и украсни работи, а тоа се : везовите на јаките на долниот дел од ракавите како и на предниот и долниот дел на кошулата. Низ везовите често има спринки и сорки. За изработка на сорките се користени свила, монистра, спринки и сосема мали игли. Како основа служеле влакна од опашот на коњот измиени и на специјален начин исплетени со свила. Покрај кошулата во носија спаѓа и елекот. Елекот се изработувал од алаџа-платно кое се изработувало од волна и тоа рачно. Елеците ги изработувале специјални мајстори-терзии. За изработка на еден елек покрај алаџа требало и специјално тканиво од волна. После шиењето на елекот, тој се опточувал со гајтани изработени од предиво на вурка црно бојадисана и доста уцврстено. Кога елекот е готов, се дипли и врз него се става некој потежок предмет за да се измазне. Женскиот елек се шара со свилен ситен ширит. Готовиот елек додека е нов се носи за свечени работи, а поветиот елек се носи секој ден.
Женските пешкири се изработуваат од волнено предиво на памучна основа, со таа разлика што предивото за пешкири се бојадисува обично алаво, гувезија или црна. При изработка на женскит пешкир се ткајат две дипли не многу долги најмногу еден метар и не многу широки. На него може да има шара по целата ширина или само по краевите. Горе на пешкирот секоја жена носи ѕуница со која добро се притегнува. Ѕуницата е изработена од волнена преѓа како за алаџа само цврсто увртена. Должината на ѕуницата е обично да се обмота два до три пати и добро пристегне. Кога времето било студено есен или зима се носеле кошули со потесни ракави и џукета. Жените од Овчеполието не оделе гологлави, ами забрадени со шамиче-каврак или со шамија зависно од времето и возраста на жената. Ги изработувале рачно, а ги украсувале со сорки, спринки, монистра и разни други додатни везви. Во пролет, лето и рана есен доминирале шамиите со бела боја, а во жалост носеле црни шамии. На шамичињата-кавраците и на шамиите исто така имало украси од сорки. Кавракот се носел само на свеченост-свадба или манастир. Во тие прилики тој се забрадувал на посебен начин. Зимно време, сите носеле доброзабрадени шамии.

Валентина Спасова

  на почеток=

ПРЕТСТАВНИЦИ НА ВИЕНСКАТА КЛАСИКА

Роден е 1797 год. во Виенско предградие во скромна учителска фамилија. Силниот талент што избива многу рано го потикнал татко му да му овозможи да учи клавир, виолина, и пеење. Извесно време учел музика и пеел во хорот на Дворскиот Комвинкт (училиште за сиромашни деца). По завршувањето на училиштето се вработил како учител, а бидејки оваа работа не го привлекувала наскоро ја напуштил и продолжил како слободен уметник. Остатокот од животот му поминал во кругот на своите пријатели скромно без слава и голема популарност. Последните денови од животот ги поминал болен и физички исцрпен. Умрел 1828 год. од цревен тифус. Кога умрел за него и за неговите дела освен неговите најблиски пријатели скоро никој да не знаел.
Како дете живеејќи меѓу обичните луге ја слушал нивната музика одушевен од едноставноста и свежата мелодија на народните песни и игри целото свое творештво ке го изгради на овие темели. Неговото прво значење е во врска со создавањето на Германската соло песна. Во своето творештво многу малку пишувал строфични соло песни а повеке пишувал прокомпонирани соло песни. Во овој вид на песни тој цврсто го поврзува текстот со музиката, и на песната и дава слободна форма условена од содржината на текстот. Клавирската придружба во неа е цврсто поврзана со текстот и често има описен карактер. Мелодијата е широко распеана а понекогаш има и трагичен акцент или рецитативни елементи за по вистински да го прикаже текстот.
Своите соло песни ги пишувал на текстови од стиховите на познатите писатели: Гете, Шилер, Хајде... Во огромниот опус кој содржи околу 600 соло песни посебно се издвојуваат 3 циклуса кој се компонирани на текст од Милер. Циклусот "Убавата Воденичарка" е составен од 20 соло песни, и во нив е опишана љубовта на млинарот кој се вљубува во убавата воденичарка. Но кога таа го остава тој е тажен и се исповедува на потокот. Најубави песни од овој циклус се "Каде","патување", "Благодарноста на потокот ", "Утрински поздрав", и др.
Вториот циклус е под наслов "Зимско Патување". Овој циклус е исполнет со тажни и мрачни мисли. Сега во овој циклус природата е еубава и зелена , дрвјата се оголени , потокот замрзнат, се е тажно и поетот е несрекен и бесцелно лута. Поубави песни од овој циклус се "Липа", "Почитување", и "Верглаш".
Третиот циклус носи наслов "Лебедови Песни" тој е објавен после неговата смрт и е компониран во последната година од животот. Тажни и мрачни расположенија преовладуваат во него. Помеѓу најубавите песни се "Двојник" и "Атлас". Од песните кој не припаѓаат на циклусите со својата убавина се истакнуваат: "Пастрамка", "Аве Марија", "Дивиот Трендафил", "Серенада", и "Паук" (Кралот на вилите). Своите соло песни Шуберт ги пишувал брзо дури по неколку дневно. Песните биле изведувани на вечерните седенки кај неговите пријатели и биле т.н. Шубертијади. Од останатите вокални композиции значајни се хорски дела, миси и др. Од останатите дела на прво место се симфониите кој биле по број 9, а најпозната е 8 со наслов "Недовршена" во х-мол. Оваа симфонија ја посветил на музичкото друштво во Грац. Името го добила поради тоа што била непотполна. После големите полемиски дилеми дали е довршена или не, стручњаците дошле до заклучок дека таа е завршено дело и дека самиот уметник се одредил да има само два става.
Од клавирските дела најзначајни се сонатите и клавирските минијатури. Сонатите се со мирно и ведро расположение, по градба многу наликувале на Моцартовите сонати. Клавирските минијатури по форма се најповолни да ги искажат моменталните расположенија на самиот уметник. А Шуберт е нивен најголем мајстор. Нив ги компонирал за домашни и концертни изведби. Меѓу позначајните клавирски минијатури се: "Емпронти" и "Музички моменти". Потоа пишувал Гудачки квартети, Клавирски триа, Виолински сонати и една опера со наслов "Розамунда".

  на почеток=

АВТОМОБИЛИ

Веќе пристигна и новата генерација на БМВ 3 која е најпродавана семејна лимузина во Европа. Да се надеваме дека и сега ќе ги постигне истите резултати како и претходната генерација. Дизајнот како типичен БМВ е лесно препознатлив со маската која е поделена на два дела и двете полутопки во светлосната група. Нешто ново во надворешниот дизајн е задната светлосна група која е изменета за разлика од претходните генерации. Дизајнот е сличен како на сериите 5 и 7 што ги прави поблиски. Во оваа мускулеста школка е сместен дволитарски дизел агрегат кој за разлика од претходниот е помоќен и поекономичен. Овој агрегат ни дава можност да ги почуствуваме сите спортски карактеристики што може да ни ги понуди дизел машина. Горивото во моторот се вбризгува со притисок од 1600 бари, а моторот да произведе 163 коњски сили или 120 киловати при 4000 вртежи во минута. Менувачката кутија е шестостепена но за жал мануелна, а доколку си го скратите буџетот т.е. доплатете во вашата тројка ќе имате автоматски менувач.
На триесет проценти полесниот автомобил од стоечка позиција до 100 километри на час му трбаат само 8,3 секунди. Овој автомобил може да се пофали со добриот и еластичен мотор кој има 340 Nm при 2000 вртежи во минута. Внатрешноста во автомобилот е совршена со еден минус. Тој минус е проблемот кој ќе го почуствуваат патниците на задната клупа. Проблемот е тоа што кровот е многу низок и патниците ги удараат главите во него. Централната конзола е совршено изработена од квалитетна пластика. Локацијата на ГПС-от е во истата дупка како и кај серијата 5 и 7. Има три вида на ентериерни решенија.
Тие се Elegant кој предложува комбинација од бела кожа и ентериерни лајсни од ореово дрво. Решението Modern дава спортска естетика со комбинација на платно-кожа со украсни лајсни “титан”. Нај елементарното решение создава хармонија од сиво платно и украсни лајсни кои се направени од полиран алуминиум.
Во сериската опрема спаѓаат 6 воздушни перничиња, радио CD со шест звучници, ABS; DSC; ESP; засилувач на серво управувачот, автоматска двосезонска клима и др. Овој луксуз е сместен во каросерија со димензии 4520 х 1817 х 1421мм.

Саше СПАСОВ
Ѓорѓи МИТРОВ

  на почеток=

  на почеток=

 

ЛЕТЕН КАМП - ЧЕПЛЕС 2005

Во периодот од 15 до 20 Јули 2005 година беше првата смена на летниот камп "ЧЕПЛЕС". Вавилон Центарот од Свети Николе го претставуваа деца на возраст од 10 до 14 години, а вкупниот број вклучувајки ги и едукаторите изнесуваше 19. Покрај Вавилонците од Вавилон Свети Николе имаше и Вавилонци од Штип, Чашка и Богомила. Вавилонците имаа можност да посетат повеќе места. Кај селото Теово беше посетен манастирот "Свети Архангел Михаил", рибникот кај селото Нежилово, Бабина Дупка (на прекрасната ливада децата собраа чај, кој подоцна со помош на домарот научија како правилно да го подготват за пиење). Беше освоена и Солунска Глава (посебна благодарност им упатуваме на дежурните на караулата за топлиот и сладок пречек, посебно до чичко Рахмо). Ги посетивме и изворите на реката Бабуна (каде беа видени прекрасните водопади и пештерата). Од активностите кои се одржаа можеме да ги споменеме ликовната колонија, од која творбите беа изложени во планинарскиот дом. Се одржаа спортски активности, едукативни работилници, им беше овозможено на децата да гледаат филмови на компјутерот. Вечерните забави беа посебно доживување за децата, тие се одржуваа во дискотеката "Луда Мара2" во која имаше пижама забава, караоке забава (второ место освои Благој Јаначков), избор на Мис и Мистер (Вавилонците од Свети Николе ги освоија симпатиите на жири комисијата и забележаа особен успех и високи оценки). За Мис беше избрана Матилда Петрова, за прва придружничка беше избрана Анета Колева , за мал Мистер беше избран Андреј Ефремов, а за прв придружник Кристијан Радевски. Голема благодарност упатуваме и до куварот чичко Коле за одлично приготвената храна.
Им се заблагодаруваме на сите оние кои се погрижија децата да можат да ги посетат сите тие природни убавини и да понесат прекрасни спомени за кои уште долго време ќе прикажуваат.

Олгица НАЦЕВА
Александар БОГАТИНОВ

Планинарскиот дом Чеплес		Првата смена кампери од 15 до 20 Јули 2005
Берење на лековити билки во местото Бабина Дупка		На изворите на реката Бабуна
Во шумата		И повторно во шумата
На врвот Солунска Глава 2540 метри		Сладок сон по освоениот врв
Дел од активностите во кампот		Најдобриот кувар - чичко Коле
Мисиците и мистерите од првата смена		Лизгање на снег во месец Јули

  на почеток=

 

Цели на логорување

Прекрасен начин за поминување на летниот распуст за една млада личност секако дека е логорувањето па затоа во продолжение ќе ви посочиме некои придобивки зошто да го поминете летниот распуст на логорување.

Логор е начин на подолго останување во природа под шатори, во колиби, во овчарски куќички (бачила) или по куќи во селата или училишта.
Изборот на местото на логорувањето зависи од времето на престојувањето, од задачите и начинот на логорувањето. Исто така при логорувањето потребно е да се внимава и на местото каде што ќе се логорува, така да после дожд, брзо да се суши. Во близина на логорот треба да има вода, и во близина на пат. Погрешно е ако се придржуваме до правилото "Што подалеку од светот и населбите". Не треба да се избегнува човекот, тежнеејќи кон слободната природа и свежиот и чист воздух. Треба да се настојува да се запознае селото, неговата убавина и работата во селото.
Распоредот на шаторите во логорот треба да бидат поставени рамномерно и поврзано и да оддаваат убава слика. Обично шаторите се поставуваат во круг или полукруг околу јарболот на знамето. Во подигањето на логорот учествуваат сите членови, кои се поделени на работни групи со посебни задолженија. Секоја група има свој одговорен. Ако на логорување одат од 40-50 ученика, тогаш одат еден ден порано група од постари ученици кои што вршат подготовки за подигањето на логорот. Набавуваат дрва, колци, даски, слама и друго и ги започнуваат работите околу подигањето на кујната, јамите за отпадоците и нужник.
Животот во логорот е организиран со многу задачи, активности, кои се различни , при што животот во логорот би бил занимлив.

Цели на логорувањето
Секое логорување има свои цели и тоа:
1. Здравствено- хигиенска цел;
2. Запознавање на нови краеви и природни убавини;
3. Ориентација во природа;
4. Запознавање со животот, работата и обичаите на луѓето;
5. Запознавање со растителниот и животинскиот свет;
6. Собирање на разни минерали;
7. Маркирање, правење мостови на некој премин на патот во планината, поправање на патеки;
8. Собирање на лековити растенија, садење на дрвја, пошумување;
9. Посета на училишта во планински села;
10. Организирање на приредби, забави;
11. Натпревари во разни спортски дисциплини;
12. Проучување со историските случки на самото место;
13. Прилагодување и снаоѓање во природни услови.

4. Запознавање со животот, работата и обичаите на луѓето

Ако логоруваат во шатори или во куќи во селото тие со посета на семејства се запознаваат со нивниот живот, обичаите и работата при што се вклучуваат и тие учествувајки во она што го можат, знаат а и да научат.

Заклучок

  на почеток=

  на почеток=

  на почеток=

Слободното време станува се поважен фактор во изградбата на младата личност.
Затоа факторите на опшествената средина слободното време треба да го претворат во активна сила на воспитното делување, така да децата и младите не би потпаднале под лоши влијанија.
За да детето правилно го користи слободното време треба да се вклучат и родителите. Контролирајки и помагајки го изборот на активностите на нивното дете директно влијаат врз изградбата на неговата личност која е спремна да се соочи со предизвиците на животот.
И во училиштата треба да се обезбедат услови за организирање на најразлични воншколски активности и поголема ангажираност од наставниот кадар во воншколските активности.
Слободното време на децата и младите треба да се користи за подигање на квалитетот на живеење преку корисни и социо- едукативни активности.
Локалната самоуправа во интерес на правилен развој на децата и младите треба да овозможи повеќе спортски терени каде што преку спортски активности ќе го искористат своето слободно време.
Социјалните и други служби можат да помагаат на социјално загрозените деца за бесплатно посетување на разни активности според нивниот избор и организирање на работилници со родителите со што би се подигнала педагошката култура.
Државата преку соодветните институции и програми треба да ја помогнат работата на невладините организации кои ги третираат проблемите на децата и младите и воедно се грижат за правилно искористување на нивното слободното време.
Соочувајки се со голем број на предизвици и негативни влијанија кои што со себе ги носи свремениот начин на живеење: како што се поголемата присутност на дрогата, алкохолот и многу други негативни појави мегу младите , државните институции треба да помогнат на сите нас, да се соочиме со овие проблеми и да не продолжиме по патот кој води кон современите негативни предизвици.
Но и ние младите треба самите себеси да си помогнеме и да помогнеме на државните институции и тие да ни помогнат во желбата да изградиме една средина која ке биде квалитетно и здраво место за живеење за сите нас.
На нас младите од Свети Николе ни треба огромна помош од државата, од градските татковци, затоа што нашиот град нема ниту спортска сала, базен и други пропратни елементи кои се предуслов за здрав живот.

ЗАТОА АПЕЛИРАМЕ ДО ВАС, ПОМОГНЕТЕ И МИСЛЕТЕ ПОВЕЌЕ НА НАС МЛАДИТЕ .

  на почеток=

МЕЃУНАРОДЕН ЛЕТЕН КАМП – ДПМ 2005

Годинава од 29 јуни до 10 јули Детскиот Парламент на Македонија по петти пат како своевиден јубилеј го организираше Меѓународниот летен камп "МИР И ЉУБОВ ЗА ДЕЦАТА" во Универзитетското одморалиште Охрид.
На овој Мегународен летен детски камп дојдоа деца основци и средношколци од Македонија, но и од повеќе друѓи држави, како: Србија и Црна Гора (Белград), Бугарија (Софија), Албанија (Тирана и Драч) и Босна и Херцеговина (Сараево).
За таа цел, Детскиот Парламент на Македонија го отвори Кампот со СВЕЧЕНА ПРИРЕДБА, во која земаа учество сите дојдени учесници на Кампот, на 2 јули 2005 година, во Универзитетското одморалиште во Охрид.
На ова свечено отворање присуствуваа повеќе гости: новинари, покровителот и почесен претседател Трифун Костовски, амбасадори и др.
За сите денови од престојот беше направена специјална програма за работа и посебна летна школа за демократијата и трибина " Во име на генерацијата "- искажувања за детските прашања и проблеми. Исто така имаше и трибини на темите: "ДРОГА, ПУШЕЊЕ И АЛКОХОЛ КАЈ МЛАДИТЕ" и "ТОЛЕРАНЦИЈА МЕЃУ ДЕЦАТА ".
На кампот присуствуваа предавачи од Бугарија, САД, Русија и други држави за најразнични теми поврзани со децата и младите.
Сите денови минуваа преку забава, спортување, научни излети, посети на културни и историски споменици во Охрид и Струга. Сите тие 12 дена бевме деца од различни држави, а како да бевме сите од едно мало село.
Се стекнаа нови пријателства кои никогаш не се забораваат.
Затоа и моментот на разделба беше тажен, но со надеж дека ќе се видиме пак.

Христина Панева
ДПМ за Свети Николе 2005г.

  на почеток=

  на почеток=

Во грчката митологија старите Грци верувале во многу богови. Најпознати богови биле Олимписките богови. Тие живееле на врвот на планината Олимп. Јаделе амброзија и пиеле нектар и биле замислени како луѓе со човечки особини. Врховен бог бил Зевс и сите богови биле поврзани како него (некои од нив му биле браќа, сестри, деца).

Зевс
Зевс бил врховен бог на Олимписките богови и владеел на небото и на земјата. Бил бог на громот и молњата. Тој бил најмалиот син на Кронус и Реа. Се родил во една пештера на планината Дикта, на островот Крит. Пораснал на планината Ида. Мајка му го хранела со млеко од козите на планинската нимфа Амалтеја. Тој бил негуван и заштитуван од нимфите. Подоцна кога тој пораснал неговиот татко му ги доделил земјата и небото и го прогласил како владетел на луѓето и боговите. Тој бил омажен со божицата Хера. Исто така тој ја изневерувал Хера со многу смртни жени и божици со кои имал многу деца. Бил татко на големите херои Персеј и Херкулес. Кога нимфата Калипсо го привлекла Одисеј на нејзиниот остров и не го пуштала да си оди, Зевс и се заканил дека ако не го пушти да си оди ќе го потопи нејзиониот остров. Таа го послушала Зевс и му покажала на Одисеј каде може да најде дрва на островот за да направи сплав и да отплови. Во чест на Зевс се одржувале и Олимписките игри.

Хера
Хера била божица на бракот. Таа била сопруга на Зевс и кралица на Олимписките богови. Хера го мразела големиот херој Херкулес бидејки тој бил син на нејзиниот сопруг Зевс и смртна жена. Кога Херкулес бил бебе таа пратила змии да го убијат. Во грчката митологија таа се преобразувала во многу форми на животни, но најмногу се преобразувала во птица. Од друга страна пак таа го подржувала големиот херој Џејсон, кој без нејзина помош не можел да го поврати Златното Руно. Голем дел од храмовите во Грција се изградени во нејзина чест. Нејзината љубомора кон љубовниците на Зевс ја натерале да направи многу страшни и ужасни работи.

Посејдон
Посејдон бил бог на морето, океаните, земјотересите и коњите. Тој бил брат на Зевс и Хедес (Ад). На овие тројца браќа им биле дадени земјата, небото, морињата и подземниот свет. Посејдон ги добил морињата и океаните, Зевс земјата и небото, а Хедес подземниот свет. Посејдон бил мажен со ќерката на Нерес, морската нимфа Амфитрит. Посејдон не бил многу толерантен кон познатиот херој Одисеј. Кога Одисеј го ослепел Киклопот Полифемус, кој му бил син на Посејдон, Посејдон го проколнал Одисеј со што Одисеј не можел да го пронајде патот кон неговиот роден дом, Итака. Како бог на коњите Посејдон му бил татко на крилестиот коњ Пегаз.

Хермес
Хермес бил бог на трговијата и патиштата. Исто така тој бил гласник на боговите и водач на мртвите души во подземниот свет. Тој бил син на Зевс и на планинска нимфа. Во грчката митологија Хермес ги подржувал Одисеј и Персеј во нивните патувања и авантури. Кога Персеј ја исекол главата на Медуза, Хермес му ги дал своите магични сандали кои му овозможуваат да лета за да може да му се спротистави на морското чудовиште Горгон. Некои митови велат дека Хермес го поседува и шлемот на невидливоста. Тој бил преставен на многу скулптури. Негова најпозната скулптура е Белини, каде што тој стои на една нога, другата му е исправена наназад, а рацете му се во висина.

Хефес
Хефес бил бог на ковачкиот занает и на огнот. Хефес бил син на Зевс и Хера, но во некои текстови само на Хера. Бидејќи бил бог на огнот тој во некои текстови е преставен како црвен човек. Тој бил многу вешт мајстор за многу работи, како на пример тој ги изградил палатите Марвелоус на врвот на планината Олимп и го направил и оклопот на Ахил за време на тројанската војна. Хефес бил женет со божицата на убавината и љубовта, Афродита, но таа го изневерувала со богот на војната Арес. Во Хомеровата Одисеја Хефес му се одмаздува на Арес

Дионис
Дионис бил бог на плодноста, раѓањето и виното. Тој бил син на Зевс и смртна хероина Семелина. Дионис ја спасил својата мајка од подземниот свет, но подоцна Зевс и ја покажал вистинската природа како бог на громот со што ја претворил во светлина. Тој му ја подарил способноста на Мидас со неговиот допир да создава злато, а бил доволно добар да ја повлече способноста кога Мидас повеќе не ја сакал. Во негова чест старите Грци изведувале театарски престави во есен и во пролет. Во пролет се изведувале трагедии, а во есен комедии.

  на почеток=

Гладиолите припаѓаат на широката класа на монокотиледони (monocotile-doneae), во кои спаѓаат и поголемиот број цветни растенија во фамилијата Iridaceae.
Познати се околу 132 вида. Видовите од кои се создадени културните вариетети, водат потекло од Јужна и Источна Африка.
Цветовите на гладиолите не се ароматични, и веројатно тоа е причината што тие касно им го привлекле вниманието на селекционерите. Нивното култивирање започнува во XVII век.
Своето име гладиолата го добила од латинскиот збор gladius, што во превод значи меч. Тоа е повеќегодишно тревно растение со линиски или мечовидни седечки листови. Во листот има голема количина на склеренхимско ткиво кое допринесува за неговата цврстина.
Подземниот орган е луковица, која се јавува како метаморфозирано скратено стебло заштитено однадвор со суви лушпести обвивки. Луковицата има топчеста, малку сплесната или цилиндрично издожена форма.
Старата луковица - мајка, секоја година се заменува со млада ќеркина луковица, која што се развива од папката на луковицата - мајка.
Кај гладиолата сите папки независно од потеклото, кои се во состојба на мирување, се растечки. Од секоја таква папка при настанување на благопријатни услови за нејзино развивање може да се формира растението кое завршува со давање на цвет.
Гладиолата има тригодишен циклус на развиток. Редоследот на циклусите се слева во непреќинат ланец и секоја нова заменувачка луковица се образува од претходната.
При расадувањето на луковиците, во почвата почнуваат да се развиваат смукачки корења. При температура од 15-18⁰C на третиот ден по садењето на луковиците корењата достигнуваат 3-4 cm. Една од особеностите на кореновиот систем претставува формирањето на корења од втор ред, непосредно поврзани со младата луковица, што му овозмножува на растението да добива максимална количина на вода и хранливи материи.
На растението се развиваат три типа на лисја: зачетни, луковични и стеблени.
Стеблото е право, тенко или со средна дебелина и на горниот дел завршува со соцветие- клас, со висина од 0,3 - 2 m.
Соцветието претставува растресит едностран или двостран клас.
Цветовите се седечки, составени од 6 сраснати во долниот дел цветни ливчиња.
Плодот е шишарка, која распукува, полна со крилати семки , со широка или слабо округла форма. Во семеното кутиче се формираат околу 250 семки. Развитокот на гладиолите се одвива во 5 периода.
Родителските форми на културните гладиоли потекнуваат од подрачја со приморска клима. Тоа е причината што гладиолите не успеваат во реони со недоволна влажност, со многу топло лето и силни ветрови.
Високите температури на воздухот, а особено на почвата предизвикуваат нарушен развиток на растението, намалување на бројот на цветовите и скратување на стеблото.
Од ова произлегува дека гладиолите треба да бидат реонирани во подрачја со прохладно лето. Во потоплите реони може да се одгледуваат раните сорти за производство на сечен цвет.
Најзначаен надворешен фактор кој обезбедува правилен и поволен развој се климатските фактори и тоа:

- температура на воздухот,
- температура на почвата,
- количество на врнежи,
- релативна влажност на воздухот,
- почвени услови,
- инсолација и др.

Влијанието на температурата на воздухот и на почвата е подеднакво важно, како при чување на луковиците, при садењето и во текот на целата вегетација.
Пример:
При чување на луковиците во складовите, при подолготрајно изладување до - 0,8⁰C , доведува до нивно потполно уништување . Краткотрајното, пак изладување на воздухот во складот до - 4⁰C, не доведува до масовно угинување на луковиците.
Температурата на почвата при процесот на садење е од многу големо значење, бидејќи доколку луковиците се садат во незагреана и ладна почва, можат лесно да угинат. Почвата треба да биде добро обработена и загреана (не помалку од +10⁰C на длабочина од 10 см).
При температура до + 15⁰C најенергично се развива кореновиот систем.
При повисоки температури прво се развиваат папките, затоа се препорачува рано садење на луковиците. Понекогаш после садење настапуваат нагли заладувања, па дури и паѓање на снег.
Ова не е проблем, бидејќи луковиците во тоа време во почвата продолжуваат да се развиваат.
Ниските пролетни температури дури до - 5⁰C во воздухот, не ѓи повредуваат засадените луковици, ако нивните стебла не се излежени над почвата. Поопасна е продолжителна студена пролет, која што го забавува растот и развитокот.
Така на пример:
При продолжително заладување до - 3⁰C при силен ветер се успорува развитокот.
Интересно е да се забележи дека лисјата кои претрпеле дејство на температура до -3⁰C до крајот на вегетацијата остануваат зелени, но кај нив нема активни фотосинтетизирачки процеси.
Високите температури на воздухот и почвата во текот на вегетацијата доведуваат до прегорување на лисјата, намалување на бројот на цветовите и сушење на растението.
Во однос на количината на врнежи и релативната влажност на воздухот, гладиолите можат добро да успеваат со создавање на определени услови, како во реони крајно ограничени со врнежи и со сув воздух, така и во реони со обилни врнежи и голема влажност на воздухот.
При садењето почвата треба да е максимално снабдена со влага.
Гладиолите имаат најголема потреба на влага во фенофазата на петтиот-шестиот луковичен лист, кога се одвива интензивен раст развиток на соцветието.
Прекратувањето на достап на влага, особено во топло време, доведува до намалување на снабдувањето на растението со фосфор и калиум од почвата.
Наводнувањето во топлите летни пладневни часови, може да предизвика прегорување на цветчињата и лисјата.
Релативната влажност на воздухот во складовите со луковици е еден од основните фактори за нивно успешно чување во текот на зимскиот период. Ако луковиците се чуваат во простории каде се одржува ниска температура ( 2-5⁰С ) и релативно стабилна влажност (80-85 %), тогаш тие не ја губат способноста за поникнување.
Гладиолата е светлољубиво растение. Нив им одговараат површини добро осончени.
Ако се одгледуваат на засенчени места, губат од декоративниот изглед, бојата на цветовите е бледа, стеблото ја губи цврстината, лисјата се бледи.
Самиот процес на цветање е директно зависен од сончевата светлина. При засенченост во утринските часови од 9-10 часот, гладиолите доцнат со цветањето за 2,5-3 недели. Тие обилно и подобро цветаат ако во пладневните часови се во полусенка или во сенка.
Лесните алувијални почви и почвите со голема содржина на арско ѓубриво, ги намалуваат трошоците и го упростуваат одгледувањето.
Гладиолите можат да се одгледуваат со успех во повеќе реони во нашата Република Македонија.
Во топлиот, сушен и ветровит реон на општина Свети Николе, за успешно одгледување на гладиоли, во голема мера влијае не само примената на добра агротехника и изборот на асортиманот, туку и создавањето на сопствена производна база за производство на саден материјал, произведен во месните еколошки услови.
За да се избегнат високите температури и нивното негативно влијание, индивидуалните производители во реонот на Свети Николе, така го темпираат производството, да не произведуваат цвет во периодот на највисоки температури.
Користењето на четири или петгодишен саден материјал, не овозможува добивање на квалитетен режен цвет (цвет за буќети) и доведува до голем пад на производството.
За садење на гладиоли за цветање, се користат млади луковици од прва година на цветање.
Во реонот на Свети Николе посебно внимание треба да се посвети на заштитата од ветровите што се прави со подигање на ветеро-заштитни појаси.

- продолжува -

Дејан ГИЧЕВ
дип.земјод. инжинер
градинаро-цвеќар

  на почеток=

Дрогата не само што го разорува здравјето туку го менува целиот живот без остатоци. Просечниот животен век на еден наркоман е 30 години, а многу малку од зависниците ја доживуваат четириесеттата.
"Мамо, ти повторно плачеш. Знам дека тато повторно те тепаше, јас сум крива затоа што тоа не го знаеше. Јас сум наркоман веќе подолго време, одам на вечен пат, одам во пеколот на дрогата. Мамо, те молам, за мене кажувај им на сите само најдобро. На бато дај му ја гитарата бидејки сакаше да свири на неа, на Марија дај и го мојот џемпер бидејки многу и се допаѓаше, а на Мики дај му го мојот дневник за да прочита и да види колку го сакав.Доаѓај повремено на мојот гроб за да испушиш една цигара, можеби имам нешто да ти кажам.
Мамо, оди сега!
Имам само 16 години, а се чувствувам како изнемоштен старец.
Сега, збогум мамо, пушти ме да се вратам и да потонам во вечен сон.
Мамо, збогум!!!"
Ова е дел од прошталното писмо напишано само неколку часа пред самоубиството на 16 годишна девојка, ученичка- наркоман.
Од ова можеме да извлечеме една порака: "ДРОГАТА ПРВИОТ ПАТ ТИ ЈА ЗЕМАШ, А ПОТОА ТАА ТЕ ЗЕМА ТЕБЕ."
Ова е само една животна приказна за дрогата која не само што влегува во еден млад живот туку буквално го уништува. Бездруго, сте слушнале уште многу случки, особено во последните неколку години, од младите пред кои тукушто започнал животот, а го имаат пред себе злото наречено-ДРОГА.
Соочена со опасностите од масовното ширење и злоупотреба на дрогата, Светската здравствена организација поведе енергична акција во цел свет, со цел да се спроведе строга контрола врз илегалното производство и криумчарењето дрога.
Современото општество се карактеризира со многу динамичен развиток, натпреварувачки дух, брзо менување на формата на однесувањето, доведувајки ја личноста пред нови, често тешко решавачки проблеми, пред фрустрациските состојби, кои несвесно провоцираат од напнатост до агресивност, апатија, депресија, фобија (нереален страв), при што недоволно силните луѓе бараат олеснување, лесно прифаќајќи ги дрогите.
Во 1991 година е воспоставена организација, односно КАНЦЕЛАРИЈА ЗА КОНТРОЛА НА ДРОГИ И ПРЕВЕНЦИЈА НА КРИМИНАЛ (ОДЦЦП) во Виена, која раководи со меѓународните напори насочени кон борба против злоупотребата на дрога и трговија со дрога. Таа ги поддржува и помага земјите при:

·